Эммануэль Макрон Шенген ҳудудини қисқартиришни таклиф қилди

Франция Президенти Эммануэль Макрон Шенген ҳудудини қисқартиришни таклиф қилди. Бу ҳақда у матбуот анжумани вақтида маълум қилди, деб хабар берди “Figaro”.

Унинг сўзларига кўра, Европа миграция сиёсатини қайта кўриб чиқиши керак, негаки, умумий чегаралар, Шенген ва Дублин келишувлари амал қилмай қўйган. Шенгендан чиқарилиши керак бўлганлар сифатида миграция масаласида расмий Брюссель билан етарлича ҳамфикр бўлмаган мамлакатлар кўрсатилди.

Макрон давлатлар чегараси туфайли мавжудлигини қайд этди.

“Очиқ қолиш учун чегараларга эга бўлиш керак. Чегараларни ҳимоя қилиш учун Шенген келишувини ислоҳ қилиш зарур, майлин камроқ давлат билан бўлса ҳам”, деган Макрон.

Европада миграция инқирози 2015 йилда авж олди. Баъзи давлатлар қочоқлар оқимини ушлаб туришни таклиф қилди ва мигрантлар учун квотага қарши чиқди. Шунга қарамай, Германия максимал даражада қочоқ мигрантларни қабул қилди ва ҳозиргача мамлакатда 1,5 млн одам қўним топди. Миграция бўйича халқаро ташкилот маълумотларига кўра, 2017 йилда Италия энг кўп қочоқни киритган. Денгиз орқали ушбу мамлакатга 119 минг одам келган.

Маълумот ўрнида, Европада амалдаги миграция сиёсатига қаршилар давлатлар қаторига Венгрия, Польша, Чехия ва Словакияни киритиш мумкин.