...
МЕНЮ
ONLINE TV

Дунёда оч қолаётган аҳоли сони бир миллиардга яқинлашди


16:31, 02.06.2018 Олам
 2 639

Ҳисоботда кўрсатилишича, 119 мамлакатдан 52 тасида очликнинг “жиддий”, “хавотирли” ва “фавқулодда жиддий” даражалари қайд этилган.

Инсоният барча соҳаларда ривожланишнинг янги-янги чўққиларини забт этаётган XXI асрда дунёда қанча одам очликдан азият чекаётгани ҳақида ўйлаб кўрганмисиз?
 
Озиқ-овқат сиёсатини тадқиқ қилувчи халқаро институт эълон қилган “Очликнинг глобаль индекси” ҳисоботларига кўра, дунёда 815 миллион одам очликдан қийналмоқда.
 
Ҳисоботда кўрсатилишича, 119 мамлакатдан 52 тасида очликнинг “жиддий”, “хавотирли” ва “фавқулодда жиддий” даражалари қайд этилган.
 
Тадқиқотлар Марказий Африка Республикасининг аҳолиси очликдан энг кўп даражада қийналишини кўрсатган. Мамлакатда очликнинг “фавқулодда жиддий” даражаси қад этилган. Бугунги кунда ушбу мамлакат энг камбағал давлатлар қаторидан жой олган.
 
БМТ маълумотларига кўра, МАР аҳолиси биринчи даражали маҳсулотлар билан таъминлаш учун 130 миллион доллар керак бўлади.
 
Очлик “хавотирли” даражада бўлган мамлакатлар қаторидан Чад, Сьерре-Леоне, Судан, Мадагаскар, Замбия ва Либерия жой олган.
 
Афғонистон, Покистон, Ҳиндистон, Бангладеш, Мьянма, Шимолий Корея, Филиппин ва Индонезия очликнинг “жиддий” даражаси қайд этилган мамлакатлардан ҳисобланади.
 
Вазиятдан келиб чиқиб, БМТнинг Озиқ-овқат ва қишлоқ хўжалиги ташкилоти дунё ҳамжамиятига ёрдам сўраб мурожаат қилган. Ташкилот 26 мамлакатда оч қолаётган аҳолига ёрдам бериш учун бир миллиард доллар ёрдам пули ажратишга чақирган.
Суннатилла Абдуллаев

Теглар:БМТ очлик 

Дўстларингиз билан бўлишинг:



Ўхшаш мақолалар


Изоҳлар




Изоҳлар


Биринчи бўлиб ўз фикрингизни қолдиринг!