Рустам Ассакалов Токио-2020 Олимпиада йўлланмасини қўлга киритди

Ўзбекистонлик боксчи Рустам Ассакалов Токио Олимпиадасида иштирок этиш ҳуқуқини қўлга киритди. Бу ҳақда Ўзбекистон миллий Олимпия қўмитаси хабар бермоқда. 

Қозоғистон пойтахтида ўтаётган спорт курашлари бўйича жаҳон чемпионатининг иккинчи кунида юнон-рим кураши бўйича -87 килограмм вазн тоифасида баҳс олиб бораётган Рустам Ассакалов ярим финал йўлланмасини қўлга киритди.

Мусобақа регламентига кўра, ярим финал иштирокчилари келаси йили Токио Олимпиадасида иштирок этиш ҳуқуқини қўлга киритадилар. 

Ассакалов жаҳон чемпионатини панамалик курашчи устидан қозонилган ғалаба билан иштирок баҳсларни бошлади ва шундан сўнг Туркия, Россия ва чорак финалда Куба терма жамоаси вакилларини ҳам мағлубиятга учратди.

Спортчи эндиликда финал йўлланмаси учун венгриялик Виктор Лоринсга қарши гиламга чиқади. 

Эслатиб ўтамиз, бу Ўзбекистон делегацияси учун Токио Олимпиадасига қўлга киритилган бешинчи йўлланма бўлди. 

Маълумот учун, Рустам Ассакалов 2015 йил Лас-Вегас мезбонлик қилган дунё биринчилигида кумуш медални қўлга киритиб Рио Олимпиадасига йўлланма олган эди.