Навоийда 5 та объект UNESCO рўйхатига киритилади

Жамият

image

Навоий вилоятидаги “Буюк Ипак Йўли”нинг Зарафшон-Қорақум қисмида жойлашган “Қосим-Шайх”, “Мирсаид Баҳром”, “Работи-Малик”, “Сардоба”, “Мавлоно Ориф Деггароний” маданий мерос объектлари UNESCO`нинг Бутунжаҳон маданий мероси ёдгорликлари рўйхатига киритилади. Ўзбекистон Президенти Шавкат Мирзиёев 2019 йилнинг март ойида вилоятга борганда шундай топшириқ берганди.

Навоий вилояти ҳокимлиги хабарига кўра, юқорида кўрсатилган объектларни UNESCO`нинг Бутунжаҳон маданий мероси рўйхатига киритиш бўйича ўтган йилнинг 20 май куни вилоят туризмни ривожлантириш ҳудудий бошқармаси ва Ўрта Осиё Халқаро тадқиқотлар институти (IICAI) ўртасида лойиҳанинг умумий қиймати 1 100,0 млн сўмлик икки томонлама шартнома имзоланган.

Қайд этилишича, “Қосим-Шайх”, “Мирсаид Баҳром”, “Работи-Малик”, “Сардоба”, “Мавлоно Ориф Деггароний” маданий мерос объектларини ЮНЕСКОнинг Бутунжаҳон маданий мероси ёдгорликлари рўйхатига киритиш ишлари 2021 йилнинг апрель ойида тўлиқ якунланади.


Мақола муаллифи

Теглар

UNESCO

Баҳолаганлар

48

Рейтинг

3.4

Мақолага баҳо беринг

Дўстларингиз билан улашинг