Чимён тоғ зонасида кўчки хавфи эълон қилинди

Жамият

−

19 Декабрь 2019 visibility4413

Аввалроқ, А-373 “Тошкент-Ўш” автомобиль йўлининг “Қамчиқ” довони қисмида вақти-вақти билан қор ёғиши, туман тушиши, шамол тезлиги секундига 5-10 метргача кучайиши кутилаётгани ҳақида хабар берган эдик.

Бугун, 19 декабрь куни Гидрометеорология хизмати огоҳлантириш билан чиқди.

Маълум қилинишича, 2019 йил 19 декабрь маҳаллий вақт билан соат 08:00 дан 20 декабрь соат 08:00 гача Чимён тоғ зонасида кўчки хавфи эълон қилинган.

2019 йил 21-22 декабрда А-373 “Тошкент-Ўш” автомобиль йўлининг Қамчиқ довони қисмида қор, вақти-вақти билан кучли қор ёғиши, туман тушиб, кўринувчанлик 50 м гача пасайиши, шамол тезлиги секундига 18-23 м гача кучайиши, йўлда қор уюмлари, яхвонлик ҳосил бўлиши кутилмоқда.

Мақола муаллифи