Қутб айиқлари орасида каннибализм кучаймоқда

Олам

image

Россиялик мутахассис Илья Мордвинцевнинг фикрига кўра, Арктикада қутб айиқларининг ўлими ва бир-бирларини ейиш ҳолатлари кўпайиб бормоқда. Чунки музнинг эриши ва инсон фаолияти уларнинг яшаш жойларини йўқ қилмоқда.

"Қутб айиқлар орасида каннибализм ҳолатлари узоқ вақтдан бери мавжуд бўлган ҳақиқатдир, аммо бундай ҳолатлар камдан-кам учрар эди. Энди эса бундай ҳолат тез-тез қайд этилмоқда", деди эксперт Илья Мордвинцев.

Санкт-Петербургдаги тақдимотда Мордвинцев, бундай каннибализм ҳолатлари овқат етишмаслиги туфайли бўлиши мумкинлигини айтди. 

"Баъзи фаслларда озиқ-овқат етишмайди ва катта эркак айиқлар урғочиларга ҳужум қилади", дейди эксперт.

Унинг сўзларига кўра, бундай ҳолатларнинг кўпайиши Арктикада ишлайдиган одамлар сони ортиши билан ҳам боғлиқ бўлиши мумкин. Эксперт, ҳозирда қутб айиқлари орасида учраётган бундай ҳолатларни нафақат олимлар, балки бошқа касб эгалари ҳам кузатаётганини айтди.

"Энди биз нафақат олимлардан, балки сони ўсиб бораётган нефтчилар ва Мудофаа вазирлиги ходимларидан ҳам бундай маълумотларни олаяпмиз", деб таъкидлади Мордвинцев. 

Унинг сўзларига кўра, бу қишда Об кўрфазидан Баренц денгизига қадар, қутб айиқлари ов қиладиган минтақа ҳозирги вақтда суюлтирилган газ ташийдиган кемалар учун гавжум йўналиш ҳисобланади. 

"Об кўрфази ҳар доим қутб айиқлари ов қилиши учун муҳим жой бўлиб келган. Энди эса айиқлар бу ердан емиш топа олмайди" деди у.

Россия аллақачон дунёдаги асосий нефт ва газ экспортчисидир, Ва у Арктикада ўзининг суюлтирилган газ имкониятларини ривожлантиришдан манфаатдор. Шунингдек, улар ҳарбий базаларини сезиларли даражада модернизация қилмоқдалар.

Шунингдек, Арктик аҳоли пунктларида яшовчилар, ўнлаб айиқлар одамлар яшайдиган жойларда озиқ-овқат излаб юрганлигидан хавотирда.

Нуруллоҳ Шарипов


Мақола муаллифи

avatar

.

Теглар

Баҳолаганлар

146

Рейтинг

2.9

Мақолага баҳо беринг

Дўстларингиз билан улашинг