Вакцина ноябрь ойида тайёр бўлиши имкони бор – АҚШ етакчи шифокори Энтони Фаучи

COVID-19 вакцинаси ноябрь ойида фойдаланишга тайёр бўлиши мумкин. Бу ҳақда АҚШнинг юқумли касалликлар бўйича етакчи мутахассиси Энтони Фаучи CNN телеканалига берган интервюсида маълум қилди.

“Мен январь ойида вакцина ишлаб чиқариш учун бир ярим йил вақт керак бўлади деган эдим. Ҳали ҳаммаси яхши бўлади деб ўйлайман. Агар ҳамма нарса шундай давом эца, вакцина ноябрь ёки декабргача тайёр бўлиши мумкин”, дейди Фаучи.

Жаҳон соғлиқни сақлаш ташкилоти маълумотларига кўра, ҳозирги вақтда 10 та вакцина одамларда клиник синовлардан ўтмоқда.

Johnson & Johnson, Moderna ва Оксфорд университети вакциналарни ишлаб чиқиш устида ишламоқда. Масалан, Оксфорд жамоаси вакцинани яратишда катта ютуқларга эришмоқда. Университетнинг дастлабки бир неча миллион дозалари вакциналари сентябрь ойига қадар тайёрланиши кутилмоқда.

Шу билан бирга, америкалик олим, саратон касаллиги, ОИВ ва инсон геномини тадқиқ этувчи Уилям Хазелтайн коронавирусга қарши вакцинанинг эрта ишлаб чиқилишидан шубҳаланди ва инсониятни янги инфекцияга қарши курашда ижтимоий изоляция чораларига таянишга даъват этди.

Аввалроқ, АҚШ Президенти Дональд Трамп ҳам вакцина режадан аввал тайёр бўлишини айтган эди.