Бугун АПЛда ЕЧЛ йўлланмаси учун “даҳшатли тўқнашув”!

Мавсум сўнги яқинлашгани сари Европанинг кучли бешлик чемпионатларидаги курашлар тобора кескинлашмоқда. Жамоалар кейинги мавсум ЕЧЛ мусобақасида иштирок этиш учун миллий чемпионатларда керакли ўринларни эгаллаш мақсадида жон куйдиришаяпти.

Айниқса, бу кураш АПЛда жуда ҳам қизғин кечаяпти. Премьер лига мухлислари чемпионлик учун курашаётган “Манчестер Сити” ва “Ливерпул” жамоаларининг кейинги мавсумда ЕЧЛда иштирок этишига шубҳа қилишмаяпти. Аммо, учинчи ва тўртинси ўрин эгаларининг ким бўлишларини олдиндан айтиб бериш қийин. Бу ўринлар учун бир йўла тўртта жамоа кураш олиб бормоқда. Бу борада Лондоннинг уч клуби: “Тоттенхем”, “Арсенал” ва “Челси”га Манчестернинг “МЮ”си муносиб рақобат туғдираяпти.

Бугун эса 30 тур доирасида, икки гранд тўқнашуви гувоҳига айланамиз. Лондонниг “Арсенал”и ўз уйида “Манчестер Юнайтед”ни қабул қилади. Агар “конанирлар” бу баҳсда ғалаба қозона олишса, турнир жадвалида “қизил иблислар”ни қувиб ўтиб, тўртинчи ўринга жойлашади. Мағлубият эса, ЕЧЛ йўлланмасидан мосуво бўлиш дегани. Шунга кўра ҳар икки томон ҳам бугун майдонда бор кучлари билан ғалаба қозонишга ҳаракат қилишади. 

Маълумот учун, ўйин бугун Тошкент вақти билан соат 21:30 да бошланади.