... 2017 йил – “Халқ билан мулоқот ва инсон манфаатлари йили”
МЕНЮ
ONLINE TV

Буффон йиғлади, Италия терма жамоаси Россияга бора олмайди


09:50, 14.11.2017 Спорт
 1 483

Жаҳон чемпионатида иштирок этиш йўлланмаси учун яна 3 та ўрин қолди.

Бугун, 14 ноябрь куни жаҳон чемпионати мусобақасининг ўтиш босқичидан ўрин олган Италия ҳамда Швеция терма жамоалари ўртасидаги учрашув ниҳоясига етди. Ўйинда 0:0 ҳисобидаги дуранг қайд этилди.
 
Мазкур ҳисоб эса Италия терма жамоасини муниалдан қолиб кетишини таъминлади. Чунки, биринчи ўйинда Швеция терма жамоаси 1:0 ҳисобида ғалабага эришганди.
 
Майдон эгалари ўйин давомида бир қанча хавфли вазиятлар яратишди, голга жуда яқин келишди.
 
Бироқ италияликлар сафида тўпни дарвозага тўғрилаб қўядиган футболчи топилмади ва шу тариқа Италия ва Россияга боришни орзу қилган Буффон мундиалдан расман четда қолишди.
 
Бундан ташқари, Италия 1958 йилдан буён илк марта жаҳон чемпионатида иштирок этмайди.
 
Яъни мураббий Жампьеро Вентура қўл остидаги Италия терма жамоаси сўнгги 59-йилда илк марта нуфузли мусобақадан четда қолиб кетди.
 
Швеция эса ўзига керакли натижани қайд этиб, Россия мундиали йўлланмага эга бўлди.
 
ЖЧ-2018 ўтиш ўйини, жавоб учрашуви
 
Италия–Швеция — 0:0.
 
Италия: Буффон, Барзальи, Бонуччи, Кьеллини, Дармиан (ал Шаарави, 63), Пароло, Кандрева (Бернардески, 76), Флоренци, Жоржиньо, Иммобиле, Габбьядини (Белотти, 63).
 
Швеция: Ольсен, Гранквист, Аугустинссон, Линделёф, Люстиг, Классон (Роден, 72), Ларссон, Юханссон (Свенссон, 19), Форсберг, Берг, Тойвонен (Телин, 54).
 
Огоҳлантиришлар: Кьеллини (9), Юханссон (9), Барзальи (22), Форсберг (29), Люстиг (65), Телин (69), Иммобиле (90), Бернардески (90), Ольсен (90).
 
Дастлабки ўйин: 0:1
 
Эслатиб ўтамиз, кеча Хорватия ҳамда Швейцария терма жамоалари ЖЧ–2018 мусобақасида қатнашиш имкониятига эга бўлишгани ҳақида хабар бергандик.
 
Жаҳон чемпионати гуруҳ босқичида 32 та жамоа иштирок этади. Ҳозирча 29 жамоа мусобақада иштирок этиш ҳуқуқини қўлга киритиб бўлди.
 
Қолган гуруҳ босқичидаги ва плей-офф учрашувлари шу ой якунига қадар бўлиб ўтади ва барча 32 жамоанинг қайсилар эканлигига аниқлик киритилади. Гуруҳ босқичига қуръа ташлаш маросими 1 декабрь куни ўтказилади.
 
Қуйида ЖЧ–2018да иштирок этадиган жамоаларнинг тўлиқ рўйхати билан танишинг: Россия, Бразилия, Эрон, Япония, Мексика, Бельгия, Жанубий Корея, Саудия Арабистони, Германия, Англия, Испания, Нигерия, Коста-Рика, Польша, Миср, Исландия, Сербия, Португалия, Франция, Уругвай, Аргентина, Колумбия, Панама, Сенегал, Тунис, Марокаш, Швейцария, Хорватия, Швеция.
 
Маълумот учун, ЖЧ–2018 финал босқичи 2018 йилнинг 14 июнь кунидан 15 июль кунига қадар Россиянинг 11 шаҳри: Москва, Санкт-Петербург, Казань, Сочи, Нижний Новгород, Самара, Калининград, Екатеринбург, Саранск, Волгоград ва Ростов на-Донудаги 12 та стадионда бўлиб ўтади.
 
Мусобақанинг амалдаги чемпионлари — Германия терма жамоаси мундиал йўлланмасига аввалроқ эга чиқишган.
Акмалхон Эшонхонов

Теглар:Италия Швеция ЖЧ-2018 

Дўстларингиз билан бўлишинг:



Ўхшаш мақолалар


Изоҳлар




Изоҳлар


Биринчи бўлиб ўз фикрингизни қолдиринг!