... Qalampir - Ҳақиқат аччиқ бўлади
МЕНЮ
ONLINE TV

Бош прокатура: Икки норасиданинг қотилига айланган оққўрғонлик маньяк қамоққа олинди


17:52, 09.02.2018 Жамият
 8 382

Бу қилмишни содир этган Отабоев Зоҳид Суннатиллаевичга нисбатан қўзғатилган жиноят иши юзасидан тергов ҳаракатлари Бош прокуратуранинг Ўта оғир жиноятларни тергов қилиш бошқармаси томонидан олиб борилмоқда.

Яқинда интернет тармоқларида уч нафар вояга етмаган шахснинг умрига зомин бўлган маньяк ҳақида хабарлар тарқалди. Бу масалага ойдинлик киритиш мақсадида ЎзА мухбири Ўзбекистон Республикаси Бош прокуратурасига мурожаат қилди.
 
- Ҳақиқатан ҳам, Тошкент вилояти Оққўрғон туманида уч нафар вояга етмаган шахсни қасддан ўлдириш жинояти содир этилгани аниқланди, - дейди Бош прокуратуранинг Жамоатчилик билан алоқалар ва ҳуқуқий ахборот бўлими бошлиғи Гулноза Раҳимова. - Бу қилмишни содир этган Отабоев Зоҳид Суннатиллаевичга нисбатан қўзғатилган жиноят иши юзасидан тергов ҳаракатлари Бош прокуратуранинг Ўта оғир жиноятларни тергов қилиш бошқармаси томонидан олиб борилмоқда.
 
Терговда аниқланишича, Оққўрғон туманининг “Хонобод” маҳалла фуқаролар йиғинида яшаган З.Отабоев 2003 йилда туғилган Ш.М, 2005 йилда туғилган Ё.У., 2014 йилда туғилган О.С. ни қасддан ўлдириб, уларнинг мурдасини ўз ҳовлисига кўмиб қўйган.
 
Бу вояга етмаган шахслар турли йилларда бедарак йўқолган бўлган.
 
З.Отабоев айбланувчи тариқасида ишда иштирок этишга жалб қилиниб, қамоққа олинган. Ҳозирда зарур тезкор тергов ҳаракатлари давом эттирилмоқда.
Фирдавс БЕК

Теглар:маньяк прокуратура қотиллик 

Дўстларингиз билан бўлишинг:



Ўхшаш мақолалар


Изоҳлар




Изоҳлар


Биринчи бўлиб ўз фикрингизни қолдиринг!

Тавсия

Сўровлар

Сиз қайси яхна ичимликларни ичасиз?

Барча сўровлар