“Байер”нинг мағлубиятсиз серияси 44 та ўйинга етди
Спорт
−
19 Апрель 1085
Испаниялик мутахассис Хаби Алонсо бошчилигидаги “Байер” Европа лигаси чорак финал жавоб ўйинида “Вест Хэм” билан дуранг ўйнади (1:1, биринчи ўйин 2:0).
Шундай қилиб, Леверкузен клуби жорий мавсумда бирорта ҳам мағлубият аламини тотиб кўрмади – 38 ғалаба ва 6 дуранг. Жамоа охирги марта 2023 йилнинг май ойида мағлубиятга учраган.
Мавсум бошидан бери мағлубиятсиз ўтказилган 44 учрашувдан иборат серия топ 5 лига учун рекорд ҳисобланади. Мазкур натижа орқали “Байер” 2011/12 йилги мавсумда 42 та ўйинда мағлуб бўлмаган “Ювентус”ни ортда қолдирди.
21 апрель куни Германия чемпионлигини кафолатлаган “Байер” Бундеслиганинг 30-тури доирасида Дортмунднинг “Боруссия”сига қарши майдонга тушади.
Live
Барчаси
