... 2017 йил – “Халқ билан мулоқот ва инсон манфаатлари йили”
МЕНЮ
ONLINE TV

Аҳмед Мустафоев ва Мадина Мумтоздан кутилган қўшиқ премьераси


18:20, 12.07.2016 Премьера
 9 098

“Сев мени” деб номланган янги қўшиқнинг ҳам озар, ҳам ўзбек тилидаги талқинини эътиборингизга ҳавола этамиз.

Бундан аввалроқ, “Qalampir” лойиҳасида доирасида озарбайжонлик хонанда Аҳмед Мустафоев ва “Ниҳол” мукофоти совриндори Мадина Мумтоз ҳамкорликда иш олиб бораётгани, ушбу ҳамкорликнинг илк маҳсули бўлмиш “Сев мени” деб номланган тарона тез орада мухлислар эътиборига ҳавола этилиши ҳақида хабар қилган эдик. Бугун ушбу қўшиқнинг ҳам озар, ҳам ўзбек тилидаги талқинини эътиборингизга ҳавола этамиз.
 
Мазкур қўшиқ бевосита “Qalampir” лойиҳаси ташаббуси билан яратилди. Қўшиқнинг мусиқасини Аҳмед Мустафоевнинг ўзи басталади. Мусиқий сайқал эса ўзбекистонлик ижодкор Шерзод Мардиевга тегишли. Озар тилида куйланган қўшиқнинг сўзини Аҳмед Мустафоевнинг ўзи ёзган. Ўзбек тилида эса Мадина Мумтоз қалам тебратди.
 
Катта лойиҳа сифатида эътироф этилган Аҳмед Мустафоев ва Мадина Мумтоз ўртасидаги ҳамкорлик Озарбайжон ва Туркия телевидениеларида ҳам ёритилди. Бу орада Озарбайжоннинг таниқли хонандаларидан бири бўлмиш Аҳмед Мустафоев Ўзбекистонга кўчиб ўтар экан деган гаплар ҳам тарқалди. Озарбайжон радиоларида аллақачон жаранг сочишга улгурган ушбу қўшиқ хит парадларда ҳам юқори ўринларни эгаллаб келмоқда.
 
Мазкур қўшиқ аввалига озар тилида куйланди. Хонанда Мадина Мумтоз қўшиқни Ўзбекистондаги мухлислари учун ўзбек тилида ҳам куйлашга қарор қилиб, уни ҳам озарбайжончаси билан бирга тақдим этмоқда.
 
Қўшиқларни сайтимизнинг мусиқа бўлимида тинглаш ва кўчириб олиш имкониятига эгасиз. 

Теглар:Аҳмед Мустафоев Мадина Мумтоз Премьера 

Дўстларингиз билан бўлишинг:



Ўхшаш мақолалар


Изоҳлар




Изоҳлар

Feruz
02:37 21.07.2016

Qo'shiq zo'r chiqibdi.menga yoqdi



Биринчи бўлиб ўз фикрингизни қолдиринг!