... 2017 йил – “Халқ билан мулоқот ва инсон манфаатлари йили”
МЕНЮ
ONLINE TV

Арашнинг "Истиқлол" санъат саройидаги концерти бекор қилинди


15:15, 29.10.2017 Шоу-бизнес
 8 638

Концерт номаълум сабабларга кўра, 31 октябрга қолдирилган эди. Энди эса буткул бекор қилинди.

Сўнгги йилларда хорижнинг кўплаб таниқли юлдузлари Ўзбекистонда концерт дастурларини тақдим этмоқда. Албатта, булар орасида омадлилари талайгина. Бироқ эълон қилинган концертлар бекор қилиниши билан боғлиқ ҳолатлар ҳам йўқ эмас.

Сизнинг ҳам қулоғингизга эронлик таниқли хонанда Арашнинг 13 октябрь куни “Истиқлол” санъат саройида концерт бераётгани ҳақидаги хабар чалингандир. Концерт номаълум сабабларга кўра, 31 октябрга қолдирилган эди.

Бугун, 29 октябрь куни концерт ташкилотчилари Арашнинг 31 октябрга қолдирилган концерти буткул бекор қилинганини маълум қилдилар. 

“Qalampir.uz”нинг суриштирувлари натижаси шуни кўрсатдики, концерт чипталари бозори чаққон бўлмаган. Бугунгача сотилган чипталардан тушган маблағ сарф-харажатларни қопламагани учун концерт бекор қилинган. 

Арашнинг концертига чипта сотиб олганларчи?.. Уларнинг пуллари қайтарилади, албатта. Чипта харид қилганлар 30 октябрдан 10 ноябрга қадар соат 09:00 дан 18:00 гача "Истиқлол" санъат саройи кассаларига мурожаат қилишлари мумкин. 

Мурожаат учун телефонлар: +99894 6996446, +99899 8517204, +99891 1372847

Теглар:"Истиқлол" санъат саройи 

Дўстларингиз билан бўлишинг:



Изоҳлар




Изоҳлар


Биринчи бўлиб ўз фикрингизни қолдиринг!