АПЛ янги мавсуми қачон бошланиши эълон қилинди
Спорт
−
15 Июнь 2023 4047
Англия Премьер-лигасининг янги мавсуми 11 августдан старт олади. Бу ҳақда чемпионат ўз расмий сайтида маълум қилди.
Дастлабки тур “Бёрнли”нинг амалдаги чемпион “Манчестер Сити”га қарши учрашуви билан бошланади. Шунингдек, 1-турда “Челси” ва “Ливерпуль” жамоалари ўзаро баҳс олиб боради. Жамоаларнинг ўйини 13 август куни ўтказилади.
Премьер-лиганинг 2023/2024 йилги мавсумининг сўнгги тури 2024 йилнинг 19 май куни бўлиб ўтади. Охирги турда “Арсенал” Лондонда “Эвертон” билан ўйнайди. “Манчестер Юнайтед” эса сафарда “Брайтон”га қарши баҳс олиб боради.
Ҳаммаси бўлиб ҳар бир жамоа икки даврада 38 та ўйин ўтказади.
Эслатиб ўтамиз, ортда қолган мавсумда “Манчестер Сити” қаторасига учинчи бор чемпион бўлди. 2-ўрин эса “Арсенал”га насиб этди. Англия чемпионатининг кучли учлигини “Манчестер Юнайтед” якунлади.
Live
Барчаси
