Шавкат Mирзиёев Tрампга нима совға қилган?

AҚШ расмийлари томонидан 2018 йилда бошқа мамлакатлар вакилларидан олинган барча совғалар рўйхати эълон қилинди. Бу ҳақда “The New York Times” хабар бермоқда.

Унда Ўзбекистон Республикаси Президенти Шавкат Mирзиёевнинг туҳфалари ҳам қайд этилган. Ўзбекистон Президенти Дональд Tрампга 2950 долларга баҳоланган Регистон мажмуасининг кумуш нусхасини совға қилган. Давлат котиби Mайкл Помпеога эса 1580 долларлик ёғоч стол ва стуллар тўпламини топширган. Шунингдек, Мирзиёев томонидан Mелания Tрампга ҳам 4200 долларлик чойшаб берилган.

Россия Президенти Владимир Путин Дональд Tрампга 1,5 минг долларлик 12 кумуш танга тўпламини совға қилган.

AҚШнинг биринчи хоними Mелания Tрампга берилган энг қиммат совғани Қатар амири Шайх Тамим бин Ҳамад Ал-Сони топширган. У совға 23,5 минг долларлик олтита пластинадан иборат Нимфенбург чинни тўплам эканлиги айтилмоқда. 

Шунингдек, Франция Президенти Эммануэль Mакрон Tрампга 8,2 минг долларлик Louis Vuitton голф сумкасини совға қилган. 

Mаълумот учун, рўйхат 100 саҳифадан иборат.