Ёнғин 8 кишининг умрига зомин бўлди

Олам

image

Кеча, 15 сентябрь куни Россиянинг Красноярск шаҳрида турар-жой биносида ёнғин чиқди. Унда саккиз киши ҳалок бўлди. Қурбонларнинг тўрт нафари вояга етмаган болалар бўлган. Бу ҳақда РИА Новости ёзмоқда. 

Ёнғин Гусарова кўчаси, 23-уйда жойлашган беш қаватли турар-жой биносида содир бўлган. Биринчи ўт ўчириш хизмати келганида, учинчи қаватдаги деразадан очиқ аланга пайдо бўлди.

Ёнғин соат 01:04 (Тошкент вақти билан) содир бўлган. Соат 01:36да (Тошкент вақти билан) бартараф этилди. Ёнғинни бартараф этишга 43 киши ва 16 дона техника жалб қилинган.

Ўт ўчирувчилар саккиз кишининг, шу жумладан тўрт нафар боланинг жасадини топди.  Ҳалок бўлганлар  орасида хонадон эгалари ва уларнинг меҳмонлари бўлган.

Ёнғиннинг асосий сабаби электр симларининг қисқа туташуви экани айтилмоқда. 

Мутахассисларга кўра,  бир нечта маиший техника битта тармоққа уланган ва электр тармоғи буни кўтаролмаган. Шундан сўнг қисқа туташув содир бўлиб, ёнғин келиб чиққан.
 


Мақола муаллифи

Теглар

ёнғин электр симларининг

Баҳолаганлар

28

Рейтинг

3.1

Мақолага баҳо беринг

Дўстларингиз билан улашинг