ФХХ ўқув муассасасига қуролли ҳужум қилмоқчи бўлганларни қўлга олди
Олам
−
23 Март 2020 10452
Россия Федераль хавфсизлик хизмати Сахалин вилоятидаги ўқув муассасасида содир этилиши режалаштирилган оммавий қирғиннинг олдини олди. Бу ҳақда ФХХ матбуот хизмати хабар бермоқда.
Маълумотларга кўра, ушбу хунрезликни 2002 ва 2003 йилларда туғилган икки ўспирин режалаштирган.
Уларнинг ёнидан топилган кундаликда ҳужум режалари батафсил қайд этилган. Ҳозирда айнан қайси муассасага ҳужум қилиш мақсад қилингани аниқлаштирилмоқда.
“Тинтув пайтида талабалар ёнидан ов қуроллари, унинг патронлари, саноат детонатори, тахмин қилинаётган портлаш мосламалари, портловчи моддалар ва алоқа воситалари топилган”, дейилади ФХХ хабарида.
Маълумотларга кўра, уларга нисбатан “Террорчилик фаолиятига оммавий тарғиб этиш” моддаси бўйича жиноий иш қўзғатилган.
Live
Барчаси
