Зойир Мирзаев Юнусободдаги фожиа қурбонлари оиласига ҳамдардлик билдирди

Тошкент метрополитени Юнусобод йўлининг янги қурилаётган қисмида юз берган бахтсиз ҳодисада вафот этган олти нафар қурувчининг тўрт нафари Қашқадарё вилоятидан бўлгани ҳақида маълум қилинмоқда.

Булар:

1. Дияров Анвар Нормуратович – 1986 йилда Яккабоғ туманида туғилган.

2. Абдуллаев Ойбек Тураевич – 1989 йилда Шаҳрисабз тумани, Бешкапа қишлоғида туғилган.

3. Равшанов Жонибек Исломович – 1989 йилда Шаҳрисабз тумани, Бешкапа қишлоғида туғилган.

4. Абдуллаев Давронбек Ботир ўғли – 1999 йилда Шаҳрисабз тумани, Бешкапа қишлоғида туғилган.

“19 декабрь куни вилоят ҳокими вазифасини бажарувчи Зойир Мирзаев ва бошқа раҳбарлар марҳумларнинг оилаларида бўлиб, яқинлари ва оила аъзоларига ҳамдардлик билдиришди”, - дея хабар қилган вилоят ҳокимлиги матбуот хизмати.

Таъкидланишича, ҳукумат комиссияси томонидан жабрланганлар ва уларнинг оила аъзоларига барча зарур моддий ва маънавий ёрдам кўрсатиш чоралари кўрилмоқда.