Абдулазиз Комилов АҚШнинг ярашиш масалалари бўйича вакили билан учрашди

Жамият

image

Аввалроқ, Залмай Халилзод бошчилигидаги АҚШ делегацияси Ўзбекистонга келаётгани ҳақида хабар берган эдик. 

Бугун, 11 апрель куни Ўзбекистон Республикаси Ташқи ишлар вазири Абдулазиз Комилов Америка Қўшма Штатларининг Афғонистондаги ярашиш масалалари бўйича махсус вакили Залмай Халилзод бошчилигидаги делегацияни қабул қилди. 

Суҳбат чоғида Афғонистондаги вазият ва ушбу мамлакатда тинчлик жараёнини бошлаш истиқболлари юзасидан фикр алмашилган. 

Таъкидланганидек, кўп йиллик афғон можаросини фақатгина курашаётган томонлар ўртасида тинчлик музокараларини ўтказиш йўли билан бартараф этиш мумкин. Мазкур шарт асосий қоида ўлароқ Тошкент декларацияси матнида илгари сурилган ва белгилаган.  Ушбу ҳужжат дунёнинг етакчи давлатлари ва минтақа мамлакатлари вакиллари томонидан консенсус асосида қабул қилинган. 

Шу нуқтайи назардан Ўзбекистон – АҚШ ҳамкорлигининг устувор йўналишлари ҳамда Афғонистонда йирик ижтимоий-иқтисодий объектларни барпо этишда ва инфратузилма лойиҳаларини тадбиқ этишда амалий ҳамкорлик қилиш тўғрисидаги таклифлар муҳокама қилинди. Ушбу лойиҳалар Афғонистоннинг тинч ва барқарор ривожланишига, сиёсий, савдо-иқтисодий ва маданий-гуманитар жиҳатдан Марказий Осиё ҳудудининг узвий қисми бўлишига имкон яратади. 

ТИВдаги учрашувда бошқа халқаро ва минтақавий масалалар ҳам кўриб чиқилди. 

Суҳбатда Ўзбекистон Президентининг Афғонистон бўйича Махсус вакили Исматулла Иргашев иштирок этди.
 


Мақола муаллифи

Теглар

Абдулазиз Комилов Залмай Халилзод

Баҳолаганлар

3

Рейтинг

2.7

Мақолага баҳо беринг

Дўстларингиз билан улашинг