... 2017 йил – “Халқ билан мулоқот ва инсон манфаатлари йили”
МЕНЮ
ONLINE TV

“Ўзбекконцерт” Сардор Мамадалиевнинг ҳам клипини эфирдан олдириб ташлади


17:33, 15.06.2017 Шоу-бизнес
 11 871

Навбат Отабек Муталхўжаевдан Сардор Мамадалиевга етди.

Аввалроқ, сайтимизда чоп этилган “Бомбей ва Мумбайни фарқлолмаган Отабек Муталхўжаев қўшиқни фарқлай олармикан?” номли мақоладан сўнг Ўзбекистон Республикаси Маданият вазирлиги ҳузуридаги “Ўзбекконцерт” давлат муассасаси директори вазифасини вақтинча бажарувчи Азамат Ҳайдаров томонидан хонанда Отабек Муталхўжаевнинг “Бомбей-Мумбай” номли қўшиғига ишланган видеоклипни телеэфирлардан олиб ташлаш бўйича “MY5” ва “Milliy TV” телеканаллари раҳбариятига расмий хат юборилгани ҳақида хабар берган эдик.
 
Маълумотларга қараганда, “Ўзбекконцерт” давлат муассасаси раҳбарияти хонанда Сардор Мамадалиевнинг ҳам “Омон ёр” номли қўшиғига ишланган видеоклипни эфирдан олиб ташлаш бўйича “Milliy TV” раҳбариятига  расмий хат юборган.
 
Хабар қилишларича, Сардор Мамадалиевнинг “Омон ёр” қўшиғига ишланган видеоклип ҳам оммавий ахборот воситалари ва санъатшунослар томонидан танқидларга сабаб бўлган.
 
“Ўзбекконцерт” давлат муассасаси бундай ҳолатларга аввалгига қараганда жиддий эътибор қаратмоқда. Бундан эса ўзим – ўзимга хон, кўланкам – майдон деб юрган “юлдузча”ларимиз хулоса чиқарса, сўнгги пушаймонга ҳожат қолмасди. 

Теглар:Отбек Муталхўжаев Ўзбекконцерт Сардор Мамадалиев 

Дўстларингиз билан бўлишинг:


Ўхшаш мақолалар


Изоҳлар




Изоҳлар


Биринчи бўлиб ўз фикрингизни қолдиринг!