... 2017 йил – “Халқ билан мулоқот ва инсон манфаатлари йили”
МЕНЮ
ONLINE TV

“Оқпадар” спектаклининг премьераси бўлиб ўтди


14:28, 28.03.2017 Театр
 35 240

Ватанфуруш, жиҳодчиларга қўшилган Асрор бегуноҳ инсонлар умрига зомин бўлади.

Самарқанд вилоятининг Каттақўрғон шаҳар драма театрида ёш драматург Сардор Ҳамроевнинг “Оқпадар” пьесаси премьераси бўлиб ўтди.
 
Воқеалар ривожига кўра, кекса ота яккаю ягона ўғлини “оқ” қилади. Сабаби, уюшган жиноий террорчилар гуруҳига қўшилган ўғил Ватани, ота-онаси, оиласига хиёнат қилиб, қўлларини қонга ботиради. Ватанфуруш, жиҳодчиларга қўшилган Асрор бегуноҳ инсонлар умрига зомин бўлади. Оқпадар ўғил қилмишига яраша жазосини олади. Бироқ отасини эл ичида уятга қолдиргани, юзини шувут қилгани, қаддини буккани-чи? Наҳотки нобакор фарзандлар шу ҳақда ўйлашмаса? Бунинг учун қандай жазо бор?
 
– “Оқпадар” пьесасида ёшларни турли найранглар билан ўз домига илинтираётган жиноий гуруҳ фаолияти ёритилган, – дейди театр бош режиссёри Ҳабибулло Абдуллаев. – Қаҳрамонлар бўлган ёш замондошларимиз оғир синовлар, турли йўқотишларга дуч келадилар. Бугунги кун воқелиги акс этган “Оқпадар” драмаси томошабинларни, халқимизни огоҳликка, ҳушёрликка чорлайди. Зотан, терроризмга қарши курашиш барчанинг вазифасидир.
 
Спектаклдаги асосий ролларни Каттақўрғон шаҳар драма театрининг тажрибали ва ёш актёрлари Т.Халилов, У.Тиллаев, Ж.Ахматов, Қ.Расулов, Р.Ниёзов, Ў.Очилов, Н.Салимов ижро этишмоқда.
 
Маълумот учун: драматург Сардор Ҳамроевнинг “Темурғози”, “Бахт излаган бахтсизлар”, “Баҳодир” ва “Гумроҳ” номли тарихий ва замонавий мавзудаги пьесалари бўлиб, уларнинг баъзилари саҳналаштирилган.
 Дурдона Расулова

Теглар:Спектакль Самарқанд Оқпадар 

Дўстларингиз билан бўлишинг:


Ўхшаш мақолалар


Изоҳлар




Изоҳлар


Биринчи бўлиб ўз фикрингизни қолдиринг!