... 2017 йил – “Халқ билан мулоқот ва инсон манфаатлари йили”
МЕНЮ
ONLINE TV

“Даракчи”нинг журналисти “Мажнун” фильмини томоша қилиш учун сарфлаган вақтига ачинганини айтди


16:02, 07.03.2016 Кино
 15 446

ЭСИЗ “Мажнун”! "Мажнун" фильмининг тақдимот маросимига бордим. Фильм даҳша-а-ат! Эсиз фильм кўришга сарфлаган вақтим. Бундан баттари бўлмайди!

Узоқ вақтдан буён анча шов-шувларга сабаб бўлган режиссёр Жаҳонгир Аҳмедовнинг “Мажнун” номли янги фильми кеча, 6 март куни Алишер Навоий номидаги киносаройида томошабинлар эътиборига ҳавола этилди. Премьерада иштирок этган “Даракчи” нашри мухбири, журналист Лайло Рустамова Facebook’даги шахсий саҳифасида фильмни томоша қилишга сарфлаган вақтига ачинганини айтиб, ўз мулоҳазаларини тармоққа ёзиб қолдирди.

“ЭСИЗ “Мажнун”! "Мажнун" фильмининг тақдимот маросимига бордим. Фильм даҳша-а-ат! Эсиз фильм кўришга сарфлаган вақтим. Бундан баттари бўлмайди! Эсиз “Мажнун” деган ном! Тафсилотларига тўхтала олмайман, сабаби бунга ҳам вақтимни кетказишни истамайман, фильмни томоша қилиб, ўзинглар баҳо беринглар!”, – деб ёзади Лайло Рустамова.

Журналист мазкур мулоҳазаларига нисбатан билдирилган фикрларга жавобан бу фильмни кутган кўп сонли мухлислардан бири эканини, ўзбек киносида яхши фильмлар даври келяпти, деб ўйлагани ва умидлари пучга чиққанини айтди. Орадан бироз вақт ўтгач, Лайло Рустамованинг ёзиб қолдирган навбатдаги фикрлари интернет фойдаланувчилари, уни таниган-билганлар, шунингдек, “Мажнун” фильмини муҳокама қилаётганларни ҳайратга солди. Лайло Рустамованинг маълум қилишича, унга премьерага кириш учун таклифнома берган танишига фильм режиссёри Жаҳонгир Аҳмедов қўнғироқ қилиб, “Лайло Рустамова деган журналистга сен таклифнома бердингми, нега у фильмни ёмонлаб ёзади?”, – деб таъна қилган. Рустамова бу воқеани ҳикоя қилар экан, фильмни томоша қилишга таклифнома билан борган томошабин уни фақат мақтаб ёзиши керак деб қаерда айтилган, шу тўғрими, дея хабар қолдирди. Бироқ кўп ўтмай журналист юқоридаги фикрларини саҳифасидан ўчириб юборди.

Теглар:Даракчи Лайло Рустамова Мажнун Жаҳонгир Аҳмедов Facebook 

Дўстларингиз билан бўлишинг:


Ўхшаш мақолалар


Изоҳлар


Изоҳлар

Зарифжон
08:34 01.08.2016

Мухаммадисо Абдулхаиров комик комедия инсон. Шахсан манга жуда ёкади. Кимга канакаку рекламасидаги расмини курсам албатта шу кинони курган булардим. Омадини берсин. Мухаммадисо Абдулхаировдан ажойиб филмларни кутиб коламиз.


Бахромжон
13:59 27.04.2016

Ha bu fikrlarda jon bor. Umuman kino-pino deb bolmaydi. Taklifim tushmanglar pul sarflab.


Bakhtiyor Sheraliev
10:47 21.04.2016

Bu filmni tomosha qilmadim, ko'rish niyatim ham yo'q. Maqoladagi rasmda Muhammadisoni ko'rdim, agar shu aktyor o'ynagan bo'lsa demak bu kinoni haqiqatdan ham ko'rib bo'lmaydi. Bu aktyorni o'zbek kinosidan yo'qotish kerak. Shaxs sifatida unga hech qanday xusumatim yo'q, lekin aktyor sifatida qanday qilib rejissioyrlarimiz undan foydalanishadi tushunmayman. G'irt tarbiyasizlarcha rol ijro etadi, masxarabozdan boshqa narsa emas. Shu aktyor ijrosidagi birorta ma'nili rol ko'rmaganman, ko'rmasam ham kerak, ko'rish niyatim ham yo'q!


Nodira
23:45 05.04.2016

Haqiqatda bir tiyinga qimat kino tushganga arzimidi taklif qimiman!!!



Биринчи бўлиб ўз фикрингизни қолдиринг!