Сариосиёлик аёлнинг уйи бузиб ташландими? Ҳокимлик ҳолатга изоҳ берди

Жамият

image

Бугун, 4 октябрь куни ижтимоий тармоқларда Сариосиё тумани Шарғун шаҳри, “Маданкон” маҳалласи, Шахтёрлар кўчаси 30-уйда яшовчи фуқаро Ситора Хурсанова (Эркинова)нинг яшаш уй-жойи туман ҳокимлиги томонидан бузиб ташлангани ва конпенсация тўланмаётгани ҳақидаги хабарлар тарқалди.

Сариосиё тумани ҳокимлиги фуқаронинг уйи бузилгани ва компенсация пули тўланмагани юзасидан расмий маълумот берди.

Қайд этилишича, Шарғун шаҳрида ўзбошимчалик билан бунёд этилган бинолар ҳамда шаҳар қиёфасига мос келмайдиган уйларни шаҳарнинг Бош режасига асосан қайта қуриш белгиланганлиги муносабати билан, туман ҳокимлиги томонидан фуқаро Ситора Хурсанованинг (мурожаатда айтилганидек) яшаш уй-жойи эмас, балки, пиёдалар йўлагида ўзбошимчалик билан қуриб олган ёрдамчи хўжаликлари биносини бузиш тўғрисида Фуқаролик ишлари бўйича Сариосиё туманлараро судига даъво аризаси киритилган.

“Жорий йилнинг 31 майида даъво ариза суд томонидан кўриб чиқилиб, фуқаронинг ўзбошимчалик билан қуриб олган омборхона ва ошхона биноларини ўз ҳисобидан бузиб олиш тўғрисида ҳал қилув қарори қабул қилинди. 

Шунга қарамасдан, С.Хурсанова ва унинг турмуш ўртоғи Ж.Хурсановнинг туман ва шаҳар ҳокимларидан ўз томорқасининг бошқа ҳудудида янги омборхона ва ошхона биносини қуриб олишда амалий ёрдам сўраб қилган мурожаати инобатга олиниб, уларга 2 (икки) тонна цемент, 70 (етмиш) дона шифер, 1000 (минг) та блок ғишт маҳсулотлари етказиб берилди, уй-жойининг кўча томон девори шаҳарсозлик нормалари асосида қуриб берилди.

Вилоят ҳокимининг 2019 йил 1 август куни туманда ўтказилган сайёр қабулида ҳам С.Хурсанованинг бу тўғрида қилган мурожаати инобатга олиниб, шу куннинг ўзида унинг хонадонига яна 8 (саккиз) минг дона ғишт олиб бориб берилди.

Сариосиё тумани ҳокимлиги фуқаро С.Хурсановага тегишли бўлган уй-жойни эмас, балки, пиёдалар йўлагида ўзбошимчалик билан қуриб олган ёрдамчи хўжаликлари биносини суд қарори асосида қонуний тартибда буздирилганлигини, ўзбошимчалик билан қуриб олинган бино-иншоотларга эса компенсация тўланмаслигини, аммо, ушбу хонадон эгаларининг мурожаати инобатга олинган ҳолда янги ёрдамчи хўжаликлар биноларини қуриб олиш учун етарли миқдорда қурилиш моллари (хабар тарқалмасдан аввал) етказиб берилганлигини, бир неча ой олдин Шарғун шаҳрида янги барпо этилган кўп қаватли замонавий арзон уй-жойлардан квартира ҳам ажратилган”, дейилади ҳокимлик ахборотида.


Мақола муаллифи

Теглар

Сурхондарё снос Сариосиё

Баҳолаганлар

47

Рейтинг

3.1

Мақолага баҳо беринг

Дўстларингиз билан улашинг