Тошкентда автобус ағдарилди. Жароҳатланганлар бор

Жамият

image

Жорий йилнинг 24 август куни Тошкент шаҳрида автобус ағдарилиши натижасида 8 киши жароҳатланди. Бу ҳақда Ички ишлар вазирлиги Матбуот хизмати хабар берди.

24 август куни соат 18:30 ларда Сергели тумани Нилуфар тор кўчасида яшовчи, “12-сонли автобус саройи” АЖ ҳайдовчиси 57 ёшли Ф.М. 104-йўналишидаги Isuzu русумли автобусни Сергели туманидаги Хонободтепа кўчасида ҳайдаб кетаётган вақтида автобуснинг олд чап томон рессор қисми синиб кетган. Оқибатда ҳайдовчи бошқарувни эплай олмаган ва автобус ағдарилиб кетган.

Натижада автобуснинг 2 нафар йўловчиси, Сергели туманида яшовчи 59 ёшли Г.Х. исмли аёл ва Бухоро вилояти Олот туманида яшовчи 2015 йилда туғилган З.П. исмли қизлар жароҳат олиб шифохонага ётқизилган. Яна автобусдаги 6 нафар йўловчига шифохонада тиббий ёрдам кўрсатилиб, уйига жавоб берилган.

Шунингдек, автобуснинг қолган йўловчилари ҳеч қандай тан жароҳати олмаган. Ҳолат юзасидан дастлабки терговолди ҳаракатлари олиб борилмоқда.


Мақола муаллифи

Теглар

ЙТҲ автобус

Баҳолаганлар

76

Рейтинг

3

Мақолага баҳо беринг

Дўстларингиз билан улашинг