Видео: Шаҳрам Ғиёсов собиқ чемпионни 40 сонияда нокаутга учратди
Спорт
−
25 Август 2019 12568
Ўзбекистонлик боксчи Шаҳрам Ғиёсов профессионал боксда навбатдаги ғалабасини тезкор нокаут билан қўлга киритди.
Супер енгил вазн тоифасида (-63,5 кг) рингга чиқаётган Шаҳрам Ғиёсов (9-0, 7 КО) 25 августга ўтар кечаси Мексиканинг Эрмосильо шаҳридаги “Центро де Усос Мультиплес” аренасида колумбиялик собиқ жаҳон чемпиони Дарлис Пересга (33-4-2, 21 КО) қарши рингга кўтарилди ва WBA International чемпионлик камарини ҳимоя қилди.
Ўзбекистонлик боксчи биринчи раунднинг 30 сонияси ўтмасдан кросс зарба билан рақибини йиқитди. 35 ёшли боксчи боксчи рефери саноғи якунланига қадар ўрнидан тура олмади ва 41 сонияда нокаут қайд этилди.
Колумбиялик устидан қозонилган ғалаба Шаҳрамнинг профессионал боксдаги 9-ғалабаси бўлди. У бу жанглардан 7 тасида рақибларини муддатидан аввал мағлуб этган.
Live
Барчаси07 Ноябрь 2023
07 Ноябрь 2023
07 Ноябрь 2023
07 Ноябрь 2023
