Ниғматилла Йўлдошев яна бир лавозимга сайланди
Спорт
−
06 Октябрь 2019 16983
Ўзбекистон Республикаси Бош прокурори Ниғматилла Йўлдошев Ўзбекистон кураш федерациясининг раиси лавозимини ҳам эгаллади.
Бугун, 6 октябрь куни Термиз шаҳрида Ўзбекистон кураш федерациясининг навбатдан ташқари ҳисобот-сайлов конференцияси бўлиб ўтди. Унда ташкилий масала кўриб чиқилди.
Конференция доирасида Ўзбекистон Республикаси Бош прокурори Ниғматилла Йўлдошев номзоди шу вақтгача вакант бўлган мамлакат кураш федерацияси раислигига тавсия қилинди.
Сайловда федерация раислигига бошқа номзод кўрсатилмади ва натижада Ниғматилла Йўлдошев бир овоздан Ўзбекистон кураш федерацияси раиси этиб сайланди. Бу ҳақда кураш федерацияси матбуот хизмати хабар берди.
Эслатиб ўтамиз, Ниғматилла Йўлдошев жорий йилнинг 20 июнь куни Ўзбекистоннинг Бош прокурори этиб тайинланди. Унгача Олий Мажлис Сенатининг раиси вазифасини бажарган.
Live
Барчаси07 Ноябрь 2023
07 Ноябрь 2023
07 Ноябрь 2023
07 Ноябрь 2023
