Макрон ва Цзиньпинга номи туфайли “рус торти” тортилмади
Олам
−
08 Май 13989
Франция Президенти Эммануэль Макроннинг севимли ширинликларидан бири Хитой етакчиси Си Цзиньпин билан тушликда дастурхонга тортилмади. Бу ҳақда “Le Figaro” газетаси хабар берди.
Аниқлик киритилишича, Пиренейга сафари чоғида мамлакатлар етакчилари ва уларнинг турмуш ўртоқлари Col du Turmalet довонида тушлик қилган. Дастлаб, менюга Пиренейнинг ўзига хос таоми – бодомли печенье ва пралиндан тайёрланган “рус торти”ни киритиш режалаштирилган эди. Афсонага кўра, десерт ўз номини Қримдан келган рецептдан олган деб ишонилади.
"Унинг шакар кукуни билан қопланган ташқи кўриниши ҳам Россиянинг қорли текисликларига ўхшайди", деб ёзади нашр.
Бироқ, дунёдаги сиёсий вазият фонида, дипломатик жанжалнинг олдини олиш учун ширинликни қорақат пироги билан алмаштиришга қарор қилинди.
Шунингдек, Си Цзиньпин ва Эммануэль Макронга анъанавий маҳаллий таом ва қора чўчқа билан қовурилган қўзичоқ тортилган.
Маълумот учун, Си Цзиньпин Францияга икки кунлик ташрифи чоғида Украинадаги можаро чоғида Пекинни Москва билан яқин алоқада бўлгани учун танқид қилган Ғарб давлатларидан ғазабланган эди. Хитой Халқ Республикаси Раиси 5 май куни расмий ташриф билан Европага борди. Хитой раҳбарининг сафари 10 майга қадар давом этади. Си Цзиньпин Франция, Сербия ва Венгрияда бўлади.
Live
Барчаси
